პოკერის ისტორია და წესები

პოკერი, როგორც სპორტის სახეობა, გულშემატკივრების რაოდენობის მხრივ ამერიკაში მესამე ადგილზეა და ჯერ კიდევ დამაჯერებლად იპყრობს მსოფლიოს. საქართველოში პოკერი ჯერ კიდევ დაწყებით სტადიაზეა, თუმცა ძალიან დინამიურად ვითარდება, რაც ძალიან სასიხარულოა. 

პოკერი მიეკუთვნება კარტის თამაშების ოჯახს და ხორციელდება ფსონების ჩასვლის საფუძველზე. მოგებული ვლინდება იმის მიხედვით თუ რა სიძლიერის კომბინაცია უჭირავს. არსებობს პოკერის უამრავი სახეობა თუმცა მათ აბსოლუტურ უმრავლესობაში კომბინაციები ერთი და იგივეა, განსხვავდება მხოლოდ ფსონების ჩასვლის სტადიები ან დარიგებული კარტების რაოდენობა. ჩვენ კონკრეტულად ვისაუბრებთ პოკერის ყველაზე პოპულარულ სახეობაზე რომელსაც ტეხასური ჰოლდემი ჰქვია. სანამ წესებს ჩავუღრმავდებოდეთ მოდით მოკლედ  გავეცნოთ მის ისტორიას.

დოილ ბრანსონი - პოკერის ლეგენდა

პოკერის სამყაროს ცოცხალ ლეგენდად მოიაზრება დოილ ბრანსონი (ტეხასელი დოლი), რომელმაც თავის მხრივ უდიდესი როლი ითამაშა პოკერის, როგორც სპორტის სახეობის, ჩამოყალიბებაში. დოილ ბრანსონი არის პირველი ამერიკელი პროფესიონალი პოკერის მოთამაშე, ვინც ზედიზედ ორი წლის განმავლობაში გახდა პოკერის მსოფლიო სერიების (World Series of Poker WSOP) ძირითადი ივენთის ჩემპიონი.  თავისი კარიერის განმავლობაში მოგებული აქვს პოკერის მსოფლიო სერიების ათი ბრასლეტი და არის პირველი პროფესიონალი მოთამაშე ვისი ტურნირების მოგებებმაც გადააჭარბა მილიონ დოლარს. დოლ ბრანსონს ასევე დაწერილი აქვს რამდენიმე წიგნი პოკერის თემაზე.

დოილ ბრანსონი დაიბადა 1933 წლის 10 აგვისტოს ტეხასის შტატის ძალიან პატარა ქალქში, რომის პოპულაციაც სულ 100 ადამიანი იყო. ამიტომ ხშირად უწევდა მეზობელ ქალაქებში სირბილით ჩასვლა, რის შედეგადაც კარგ ათლეტად ჩამოყალიბდა. ახალგაზრდობაში თამაშობდა კალათბურთს და ისეთ დონესაც მიაღწია როცა ლოს ანჟელესის ლაიკერსიც კი დაინტერესდა მისით, მაგრამ მუხლის ტრავმამ, რომელიც მუშაობის დროს მიიღო,  დაასრულა ბრანსონის საკალათბურთო კარიერა.

როგორ შთაბეჭდილებას ტოვებ?

რაც მეტს ვთამაშობ მით უფრო ვაანალიზებ და ვხვდები, თუ რამდენად მნიშვნელოვანია ის თუ როგორ აღმიქვამს მოწინააღმდეგე, რა შთაბეჭდილება შეექმნა მას ჩემზე და იყო ეს ჩემს მიერ გამიზნული თუ უნებლიე. გადაწყვეტილების მიღების მომენტში უდიდესი მნიშვნელობა აქვს  ამის ცოდნას და მეხმარება ვივარაუდო თუ როგორი რეაქცია ექნება ადამიანს ჩემ ქმედებაზე. მაგალითად სისულელეა მოვსინჯო მოთამაშის დაბლეფვა თუ ვიცი, რომ გაღიზიანებულია ჩემზე. ჩემთვის მომგებიანი შთაბეჭდილების შესაქმნელად ასევე სასარგებლო სხეულის ენა.

აგრეთვე ძალიან გულდასმით უნდა მივაქციოთ ყურადღება მოთამაშეების ცირკულაციას მაგიდაზე, ვინ გადის, ვინ შემოდის რა იცის ახლად შემოსულმა მოთამაშემ ჩემს შესახებ და რა ვიცი მე მასზე. ყურადღება და კონცენტრაცია პოკერში უდიდეს როლს თამაშობს. პოკერის წესების სწავლა შესაძლებელია 15-20 წუთში, მაგრამ მისი თამაშის სწავლას ზოგი ცხოვრების ბოლომდე ვერ ახერხებს.

ფილ აივი

პოკერის სამყაროში ძალიან ბევრი გამოჩენილი ფილი მოღვაწეობს, მაგრამ მათ შორის ყველაზე კაშკაშა ვარსკვლავი თამამად შეიძლება ითქვას, რომ არის ფილ აივი. მას აგრეთვე მოიხსენიებენ პოკერის ტაიგერ ვუდსად და ითვლება ერთ ერთ ყველაზე წარმატებულ პოკერისტად.

ფილ აივი დაიბადა და გაიზარდა ნიუ ჯერსიში 1976 წელს. თინეიჯერობის პერიოდში მუშაობდა სეილსმენად ტელემარკეტინგის სფეროში და როგორც ჩანს ყიდვა გაყიდვის უნარები კარგად გამოადგა პოკერში. თვითონ ფილი იხსენებს, რომ პოკერის თამაში ასწავლა ბაბუამ, რომელიც მისი მშობლების სახლში ცხოვრობდა პირველ სართულზე. ადრეული ასაკიდანვე თანატოლებს შორის გამოირჩეოდა პოკერის ნიჭით.

ტილტთან ბრძოლის დრო მოვიდა

წაგებული სესიები/ტურნირები, ბედ ბითების სერია, პოკერის მოთამაშისათვის ისეთივე ჩვეულებრივი მოვლენაა, როგორც ადვოკატისათვის წაგებული პროცესი ან სპორტსმენისათვის წაგებული თამაში. ყველაფერი გაცილებით უფრო რთულდება, თუ წარუმატებელი სესია/ტურნირი რამდენიმეჯერ ზედიზედ განმეორდება. აქედან იწყება მოთამაშის დეპრესია (ტილტი). ამ მდგომარეობიდან გამოსვლა გაცილებით უფრო რთულია ვიდრე მასში აღმოჩენა. ნელ ნელა გვეუფლება ისეთი გრძნობა. რომ ყველაფერი ჩვენს საწინააღმდეგოდ ხდება, რაც აბსურდია. კარტი რიგდება აბსოლუტურად არაპროგნოზირებადად და როგორც მომგებიანი დარიგებები ასევე წამგებიანი დარიგებები თანაბრადაა გადანაწილებული. ერთად ერთი რაც ჩვენზეა დამოკიდებული, დაველოდოთ ისეთ ხელს რომელსაც მოგების ალბათობა უფრო დიდი აქვს ვიდრე წაგების, თუმცა ამ შემთხვევაშიც გარანტირებული მოგება არ არსებობს, მაგრამ თუ ყოველ მათგანს ვითამაშებს სწორად და ყოველგვარი ემოციის გარეშე დროთა განმავლობაში მოგება გარანტირებულია. თუ შევძლებთ ემოციებზე დამყარებული გადაწყვეტილებები დავიყვანოთ მინიმუმამდე, შეგვიძლია ვიყოთ დარწმუნებული რომ უფრო კარგად ვთამაშობთ პოკერს ვიდრე ამას მასის 90% აკეთებს.

Body Language პოკერში კარტზე მნიშვნელოვანია

ბევრს სმენია Body Language-ზე, ზოგს შეიძლება დისერტაციაც აქვს დაცული ფსიქოლოგიის ამ განხრით, მათთვის ვინც არ იცის რა არის Body Language მოვიყვან განმარტებას. Body - სხეული, Language - ენა, პირდაპირ თარგმანში სხეულის ენა. ეს მეცნიერება შეისწავლის ადამიანის ფიზიკურ ქცევებს, გამომეტყველებებს, მიმიკებს და ჟესტიკულაციას სხვა და სხვა ემოცურ მდგომარეობაში. ყველას მოგეხსენებათ გახარებული კაცის მიმიკები, ჟესტები ქცევა მკვეთრად განსხვავდება შეშინებულის ქცევებისაგან და ჟესტებისაგან. ყველა დიდი მოთამაშე, ისეთები როგორებიც არიან დოილ ბრანსონი, ფილ აივი, დენიელ ნეგრეანუ და სხვები, Body Language-ს სპეციალისტები არიან. დოილ ბრანსონი თავის წიგნში წერს, რომ ამ ხელოვნების დაუფლების გარეშე დიდი პოკერის თამაში წარმოუდგენელია.

მოთამაშეთა ფსიქოლოგიური ტიპაჟები

პოკერში კარტზე კონცენტრირება იმდენად მნიშვნელოვანი არ არის, რამდენადაც მნიშვნელოვანია ცოდნა, თუ ადამიანის რომელ ტიპაჟს ვეთამაშებით, ვიცოდეთ მისი ხასიათი და შესაბამისად მოვერგოთ ჩვენი თამაშით.

არსებობს 4 ძირითადი ფსიქოლოგიური ტიპაჟი, რომლებსაც ყოველ სესიაზე ან ტურნირზე ვხვდებით და ყოველ მათგანთან სხვადასხვა სახის თამაშია საჭირო. როგორც წესი  თამაშთან მსგავსი მიდგომა საინტერესოც არის და მომგებიანიც.

ეს ტიპაჟები არის:

• Loose/Passive - უხეში/პასიური
• Loose/Aggressive - უხეში/აგრესიული
• Tight/Passive - ფრთხილი/პასიური
• Tight/Aggresive - ფრთხილი/აგრესიული